நகரமும் அவர்களும்

நகரத்திற்குப் புதிதாக வந்த இளைஞன் அவன்

இந்த நகரத்துல எங்கையாவது

அன்பு தென்படுமான்னு பாத்தேன்

அது உங்க கண்ல இருக்கு என

எதிர்படும் பெண்ணிடம் சொல்கிறான்

கண்டறிந்த  பெருமிதத்தோடு

 

இதை எதிர்பார்க்காத

நகரத்திற்குப் புதிதாக வந்திருக்கும் பெண்

அவனைப் பார்க்கிறாள்

அவள் பேருந்து வருகிறது

என்ன சொல்றதுன்னு தெரியல

உங்க கண்ல

நம்பிக்கை தெரியுது

சொல்லிவிட்டு

வேகமாக ஓடிப்போய்ப்

பேருந்தில் ஏறுகிறாள்