முதலில் மீன் தொட்டி இறந்து போனது

உங்கள் வன்மம்
கேட்டுக்கொண்டதற்கிணங்க
யாருக்கும் தெரியாதது போல்
சமயோஜிதமாக
தள்ளி உடைத்தீர்கள்
முதலில் மீன் தொட்டி
இறந்து போனது
இப்போது மீன்கள்
இறந்து கொண்டிருக்கின்றன

கனவில் வந்த வரிகள்

கனவில் வந்த வரிகளில்

பாடல் செய்தேன்

பாடியபடியே

உறங்கி விட்டேன்

விடிந்து எழுந்த பின்

சொற்கள் எதுவும்

நினைவில் இல்லை

இசை வடிவம் மட்டும்

அங்குமிங்குமாய்

கேட்டுக்கொண்டிருந்தது