பாடப்போகிறேன்

மனம் பிசையும்
சொற்களை வைத்துக்கொண்டு
என்ன செய்யப்போகிறாய்

ஒரு துயரமான பாடலை
பாடப்போகிறேன்

வானத்திற்கு...

பொத்தான் மாற்றிப்போட்டு

கிழிந்த சட்டைக்குள்ளிருந்த சிறுவன்

ஒரு பட்டம் வேணும் என்றான்

அந்த வானத்திற்கு

வாங்கிக்கொடுத்தேன்

கூடவே உணவையும்

குழந்தையும் நானும்

குழந்தையும் நானும்
ஓர் உரையாடல்

உன் தொப்பிக்குள்
என்ன இருக்கிறது

குட்டி உலகம்

உங்கள் தொப்பிக்குள்
என்ன இருக்கிறது

குட்டி உலகத்துடன் பேச‌
கொஞ்சம் சொற்கள்

 

வழிப்போக்கன்

யாரும் கவனிக்காத
வழிப்போக்கனை
பாதை கவனித்து
அழைத்துப் போகிறது

யாரோ ஒருவன்

நள்ளிரவை
எழுப்பியபடியே
சாலையில்
யாரோ ஒருவன்
என் குரலில்
பாடிப்போகிறான்

ஏதோ ஒரு கோணத்தில்

எல்லாக் கோணங்களிலும்
பொய்யாகத் தெரியும் என்னை
ஏதோ ஒரு கோணத்தில்
உண்மையாகப் பாக்கிறேன் என
நீங்கள் சொல்வது
கடைந்தெடுத்த பொய்

நினைவில் சொற்கள்

நினைவில் சொற்கள் 

சேர்ந்துவிட்டன 

மறதி வந்து 

களவாடுவதற்குள் 

எழுதிவிட வேண்டும்