யாரோ

மலையுச்சிக்கு வந்து

மலையோடு

ஒரு செல்ஃபி எடுத்துக்கொண்டு

செல்போனைக் கீழே வைத்துவிட்டு

மெல்ல மூச்சை

உள்ளிழுத்து வெளிவிட்டு

குதித்துவிட்டான்

சற்று நேரம் கழித்து

மேலேறி வந்த பெரியவர்

வியர்வையைத் துடைத்து

செல்போனைக் கையில் எடுத்து

சுற்றும் முற்றும் பார்த்துச் சொல்கிறார்

“யாரோ மறந்து வச்சிட்டுப் போயிட்டாங்க’’

“யாரோ வச்சிட்டுக் குதிச்சிட்டாங்க’’

நடுக்கத்துடன் மலை சொன்னது

அவருக்குக் கேட்கவில்லை