Powered by Blogger.

வெற்றிடத்தில் ஒரு குறிப்பு

Tuesday, July 21, 2009

அந்தக் கதையில்
நிறைய அறைகள் இருந்தன
ஒவ்வொருவராகப் புகுந்து
வெளியேறிக் கொண்டிருந்தனர்

அந்தக் கதையில்
நிறைய ஜன்னல்கள் இருந்தன
காற்றும் இசையும்
உள் நிறைந்து
வெளி வந்தது

அந்தக் கதையில்
நிறைய மரங்கள் இருந்தன
அணிலும் பறவைகளும் விளையாடின

அந்தக் கதையில்
விதைகள் நடப்பட்டிருந்தது
படிக்கப் படிக்க
பூத்துக் குலுங்கியது

அந்தக் கதையில்
மழை பெய்தது
வானவில் தென்பட்டது
கடவுள் குழந்தைகளோடு
பேசிக்கொண்டிருந்தார்

அந்தக் கதையில்
வாசிப்புத் தன்மை
கடைசி பக்கத்திலிருந்தும்
படிப்பதுபோல் அமைந்திருந்தது

முன்னிருந்தும் பின்னிருந்தும்
படித்துக் கொண்டே வந்தவர்கள்
சந்தித்துக் கொண்டார்கள்

வெற்றிடமான பக்கங்களில்
அமைதியாக உங்களைப் படியுங்கள்
என்ற குறிப்பு மட்டும்
காணப்பட்டது

7 comments:

rvelkannan said...

ஒரு படைப்பின் வெற்றியும் கூட.
இந்த கவிதையை போல

மண்குதிரை said...

நல்லா இருக்கு. ரசித்தேன்.

சேரலாதன் பாலசுப்பிரமணியன் said...

அற்புதம்!

-ப்ரியமுடன்
சேரல்

ny said...

beauty!! as ever!!

ஆ.சுதா said...

ரசித்தேன்.
அழகான கவிதை

sumayha said...

வெற்றிடத்தைக்கூட கவிதையாக்க உன்னால் மட்டுமே முடியும் நண்பா.... அருமை.

இரசிகை said...

:)

 
அமேசானில் மின்னூல்கள்



Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்