Monday, March 30, 2020

காத்திருப்பு

காத்திருப்பை
வலியுடன் சொல்லலாம்
நம்பிக்கையுடன் சொல்லலாம்
காத்திருப்புடனும் சொல்லலாம்

Sunday, March 29, 2020

நடந்து கொண்டிருக்கிறார்கள்


அவர்கள் பசிக்கு
இருந்ததென்னவோ
சிறிய ரொட்டிதான்
அதுவும்
மறைத்து வைக்கப்பட்டிருந்தது

விளிம்பு நிலை மனிதர்கள்
நடந்துகொண்டிருக்கிறார்கள்
வினாக்களின் மீது

மனிதம் செத்து
நாளாயிற்று
சுதந்திர இந்தியா
லிப்ஸ்டிக் பூசிக்கொள்கிறது

செருப்புத் தேய
நடந்தவர்கள்
வாழ்க்கைத் தேய
நடக்கிறார்கள்

பிறந்ததிலிருந்தே
நடந்து கொண்டிருக்கிறார்கள்
பயணம்
முடிந்தபாடில்லை

Friday, March 27, 2020

யாருக்காகவோ


யாரோ யாருக்காகவோ
பிரார்த்தனை செய்கிறார்கள்
அதில் நாம்
சொற்களாக இருக்கிறோம்
  

Monday, March 16, 2020

குரல்கள்

கிடைத்ததிலிருந்து எதுவும் கிடைக்கவில்லை என்றவரும் கிடைக்காததிலிருந்து எல்லாம் கிடைத்தது என்றவரும் ஒரே அலைவரிசையின் இரண்டு குரல்கள்