என் கண்களில்...

 கைதட்டிக் கூப்பிட்டவர்

அப்பா போலிருந்தார்

அருகில்போய் கேட்டேன்

ஒன்னுமில்ல தம்பி

என் பையன் சாயல்ல இருந்தீங்க

அதான் ஒருவாட்டி

பாத்துக்கலாம்னு கூப்டேன்

கண்களைத் துடைத்துக்கொண்டார்

ஏன் அழறீங்க என்றேன்

அவன்போயி சேர்ந்துட்டான் என்றார்

வேறெதும்

சொல்லிக்கொள்ளாமல்

திரும்பி நடந்தேன்

என் கண்களில்

நீர் இருந்தது

 

நம்மிடமிருந்து

உரையாடல் கனிந்து முடிய

ஒரு சிறு அணைப்பு

மிச்சமிருக்கிறது என்றாள்

சிறு முத்தமும் என்றான்

நாணித் தலைகுனிந்தாள்

பிறகு தலை நிமிர்ந்து

அவன் கண்களிடம் சொன்னாள்

முதலில் அணைப்பு

என்னிடமிருந்து வரட்டும்

பிறகு முத்தம்

உன்னிடமிருந்து…