தெரியும்

இந்த வரி 

உங்களை 

நகர்த்தி விடாது 

தெரியும் 

ஆனால் என்னை

அசைத்தது 

இருந்தும்

கண்ணீரைக் 

கடந்துதான் 

வந்தேன் 

துடைக்க நீளும் 

கையிருந்தும் 

கேட்கக்

காதுகள் இருந்தும் 

தெரியவில்லை

குடித்துவிட்டு 
போதையில் 
என்னைப் போட்டு 
உடைத்து விட்டேன்
எப்படிச் சேர்ப்பதென்று 
தெரியவில்லை

மழையை வரைதல்

மேகத்தை 

வரைகிறாள் குழந்தை 

மழை பெய்யுமா 

என்கிறேன் 

மழை போல சிரித்து 

வரைகிறாள் மழையை

விளிப்பில்

தியானத்தின் விளிப்பில் 

அசைகிறது ஒரு சொல் 

மெளனம் பார்க்க 

மெளனமாய் 

நானும் பார்க்க

நாடோடி

நான் நாடோடி 

என் கிளைகளிலும் 

பறவைகள் வந்தமர்ந்து 

போவதுண்டு

எழுதும் போது

குருதி வழிகிறது 

அருவி போல என்று 

எழுதும் போது 

பதட்டப்படும் மனம் 

அருவி வழிகிறது 

குருதி போல என்று 

எழுதும் போது 

அச்சப்படுகிறது

அனுபவ சித்தனின் குறிப்புகள்

1003-

அடர்ந்த மெளனத்தைக் 
கடந்து வருவதும் 
கடினமான ஒன்றுதான்

1004-

கால்களைக் 

குத்தாத இருள் 

நடக்கத் துணையாய் 

நட்சத்திரம்

1005-

எதுவுமில்லாத போது 

மெளனம் 

எனதாகிறது

1006-

அள்ளிய எல்லாம் 

வழிந்து போனது 

வெறுங்கையே 

உன் தலைக்கனம் 

முடிந்து போனதா

1007-

பிரபஞ்சம் சொன்னது

உனக்கான செய்தி 

நான்தான்

1008-

நினைவுகள் துரத்த 

ஓடுகிறேன் 

நினைவுகள் நோக்கி

நான் வானம்

அவ்வளவு எளிதில் 

என்னை உங்களால் 

மடித்து வைத்துவிட்டுப் 

போய் விட முடியாது.

நான் வானம்

போகிற போக்கில்

போகிற போக்கில் 

பார்த்த 

வானவில்லின் 

ஓரிரு வண்ணத்துளி 

கண்ணில் இருக்கிறது

அனுபவ சித்தனின் குறிப்புகள்

996-

பறவையே 

சொல் 

நான் உன் 

வானமா 

கூண்டா

997-

உடைந்த 

கனவொன்றை 

இரண்டாக 

வளர்க்கிறேன்

998-

நான் 
பஞ்சுதான்
கனமான பஞ்சு

999-

பிடிக்கும் இருள்
ஒளிரவும்
செய்கிறது

1000-

இதற்கெல்லாம் 

உங்களுக்கு
எங்கே 

நேரமிருக்கிறது

நேரத்தில்தான் 

இருக்கிறது

1001-

மனதிலிருப்பதை 

மனதால் படிப்பது 

மகத்தானது

1002-

என்னிடம் பேச
உங்களிடம் ஏதாவது
இருக்கிறதா

எதுவுமில்லை
வார்த்தைகள் 

இருக்கின்றன

அழுத்தம்

அழுத்தம் தரும் 

இரவிடம் சொல்கிறேன் 

இதை விட உன்னால் 

இன்னும்

தந்து விட முடியாது 

அது குறைத்துக் கொள்ளப் 

பார்க்கிறது

நான் வெளியேறப் 

பார்க்கிறேன்

போர்

மனதில்  போர்

நடக்கிறது

போரை நடத்துவது

யார் 

மனதா 

நானா 

போரேவா

புத்தன் மெளனம்

புத்தன் மெளனம்

முறிந்தது

அவன் சொற்களில்

வழிகிறது ரத்தம்

என் பெயர்

காட்சி முடிந்தது 

உருண்டு மேலோடிய 

பெயர்களில்

தேடினேன் 

என் பெயரை 

மற்றும் பலரில் 

இருந்தது 

என் பெயர்

அனுபவ சித்தனின் குறிப்புகள்

991-

நினைவின் திரியில் 

அசையும் 

சுடர் நீ

992-

பகலில் 
வெயில் இறைக்கும் சொற்கள் 
தனிமைக்குப் 
போதுமானதாக இல்லை

993-

உங்கள் அருகிலேயே 
இருக்கிறீர்கள் 
எதற்குத் தேடுகிறீர்கள்

994-

நீரில் தெரிகிறது 
எளிய பிம்பம் 
கல்லெறிந்து 
கலைத்துவிட்டு 
வரையப் பார்க்கிறேன்

995-

ஊர்ந்து போகும் தடத்தை 
ஒற்றைக் கோடாக பார்க்கிறேன் 
பாதையாகப் 
பார்க்கச் சொல்கிறது எறும்பு

வெற்றுக் கோப்பை

வெற்றுக் கோப்பையில் 

ஏதோ இருப்பதாக நினைத்து 

அருந்துகிறேன் 

அது விஷம் என்று உணர 

இறந்து போகிறேன்

அறியுமா

கண்ணீரில் 

தேங்கிபோன குருதியைக் 

கண்ணீர் அறியுமா

நீண்ட தூரம்

சுவையுடன் சொன்னார் பெரியவர் 

யார் சொன்னது 

என் உலகம் 

சுருங்கிப் போனதென்று 

நான் நினைவுகளில் 

உங்களை விட 

நீண்ட தூரம் நடக்கிறேன்

(அப்பாவுக்கு)

துயரத்தின் பாடல்

உதிரும் இலைகளைப்
பார்க்கும் புல்லாங்குழலில்
துயரத்தின் பாடல்