Tuesday, April 26, 2022

எப்போது பூமிக்குத் திரும்புவீர்கள்

 உங்கள் ஒப்பனையும் நடிப்பும் அருமை

உங்கள் வசனங்கள் அதிர்வுகளை ஏற்படுத்துகின்றன

மேடை முழுதும் புயல்போல் ஆக்கிரமிக்கிறீர்கள்

உங்கள் கர்ஜனை அரங்கை விழுங்குகிறது

இமைமூடாது என்னென்னவோ செய்கிறீர்கள்

சபையோரை உறங்கவிடாமல் பார்த்துக்கொள்கிறீர்கள்

காட்சிகளும் திரைக்கதையும் உங்களுக்கு

வளைந்துகொடுக்கின்றன

நீங்கள் நிமிர்ந்து நடிக்கிறீர்கள்

பலவிதமாய் நடிக்கிறீர்கள்

மிதக்கிறீர்கள்

பறக்கிறீர்கள்

உங்களிடம் ஒன்றே ஒன்று கேட்க வேண்டும்

மனிதனாக எப்போது

பூமிக்குத் திரும்புவீர்கள்

No comments:

Post a Comment