அனுபவ சித்தனின் குறிப்புகள்

1028-

வேறு குரலில் 

பேசுகிறீர்கள் 

உங்கள் உதட்டசைவில் 

பொய் வழிகிறது

1029-

இந்த வனத்தில் 

நான் தொலைந்து 

சில காலம் ஆகிறது 

முளைத்து 

பல காலம் ஆகிறது

1030-

இருள் பெய்கிறது

நனையாமல் 

நடக்கிறேன்

1031-

என்னைத் தொலைத்து 

பிரபஞ்சத்தைக் 

கண்டெடுத்தேன்

1032-

காத்திருந்த போது 

உறங்கிப் போனேன்

எழுந்த போது 

மறந்து போனேன்

1033-

நான் ஆடு

நீங்கள் இரக்கம் வாங்க 

வந்திருக்கிறீர்கள்

1034-

இது உனக்கு 

நான் தரும் வரிகள் 

எடுத்து சுவரில் 

மாட்டி விடாதே 

கால்களில் 

போட்டுக் கொண்டு நட

1035-

அவ்வளவு எளிதில் 

நீங்கள் என்னைக்

கடந்து போய் விட 

முடியாது.

நான் சாலையின் வேர்.