Powered by Blogger.

நூற்று எழுபத்து எட்டாம் பக்கத்தில்...

Sunday, January 20, 2008

எனது கதையில்
வரும் கிழவி
உங்கள் ஊருக்கு வந்தால்
ஏதாவது கொடுங்கள்

சர்க்கரை குறைவான காப்பி
வேகவைத்த கடலை
ஒரு குவளை கஞ்சி
ரசம் சாதம்
முடியாவிட்டால் வெந்நீர்

அவள் சொல்வதைக்
கேட்க முடியாதபோது
ஒரு புன்னகைக் கொடுத்து
அனுப்பி விடுங்கள்

சிறு வயதில் இறந்த பேரன்
வெளிநாடு போய்
திரும்பாத மகன்
நிலங்களைத் தொலைத்தக் குடும்பம்
என உண்டு அவளிடம்
கண்ணீர் உடைக்கும் கதைகள்

நதி பார்த்தால்
நின்று விடுவாள் கிழவி
அவளை இறக்கி விடாதீர்கள்
நீச்சல் தெரியாது

கிழவிக்கு
எந்த சேதாரமும் நேராமல்
உடனே அனுப்பி வையுங்கள்

கதையின் நூற்று எழுபத்து எட்டாம் பக்கத்தில்
கிழவிக்கு மரணம் நிகழ்ந்தாக வேண்டும்
நீரில் மூழ்கி

9 comments:

சிறில் அலெக்ஸ் said...

ரெம்ப வித்தியாசமான கற்பனை

veenaapponavan said...

Very nice and catchy. Particularly,

நதி பார்த்தால்
நின்று விடுவாள் கிழவி
அவளை இறக்கி விடாதீர்கள்
நீச்சல் தெரியாது

and

கிழவிக்கு மரணம் நிகழ்ந்தாக வேண்டும்
நீரில் மூழ்கி

when looked together, give a very big picture.

Thanks,
vp

Vaa.Manikandan said...

மிக அற்புதமான கவிதை இது.

கவிதையில் வரும் கிழவி என்ற படிமத்தை ஊர் உலா வரச் செய்வது பிரமாதமாக வந்திருக்கிறது.

தருமி said...

பாட்டி எனக்கு மிகவும் பிடித்துப் போய்விட்டது.

கதையை 177-ம் பக்கத்திற்கு மேல் படிக்கப் போவதில்லை!

Saraswathy said...

பாட்டிகளை(கிழவிகள்) நீர் நதி முழ்கடித்தாலும்.. மனமேடைகளில் திரும்பத் திரும்ப தோன்றுவார்கள் ராஜா சந்திரசேகர் கவிதைகள் மூலமாக.

guru said...

Realy Very nice...

ஜ்யோவ்ராம் சுந்தர் said...

ரொம்ப நல்லா வந்திருக்கு கவிதையும், கடைசி வரித் திருப்பமும்.

J.S.ஞானசேகர் said...

Nice

இரசிகை said...

nice.

 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்