கதையும் குழந்தையும்

 கடவுளின் தோள்மேல்

அமர்ந்திருக்கிறேன்

எனச்சொன்னது

மலைமேல்

அமர்ந்திருந்த குழந்தை

எப்போது

கீழே வருவாய்

குரல் எதிரொலிக்கக் கேட்டேன்

கடவுள் எனக்குக்

கதைச் சொல்லிக்கொண்டிருக்கிறார்

கேட்டு முடித்தவுடன்

வருவேன் என்றது

வந்தபின்

அந்த கதையை எனக்குச் சொல்வாயா

ஆர்வம் கூட கேட்டேன்

கடவுள் எனக்குச் சொன்னக்

கதையைச் சொல்ல மாட்டேன்

நான் மலைக்குச் சொன்னக்

கதையைச் சொல்கிறேன் என்றது