Powered by Blogger.

சொல்

Thursday, February 28, 2013

என் தனிமைக்கு 
வண்ணம் பூசுகிறாய் 
எப்போது வந்தாய் 
சொல்

சிறு முத்தம்

அன்பின் சொல்லெடுத்து 
வீசும் உன் கண்களுக்குத் 
தர வேண்டும் 
சிறு முத்தம்

நாம் சந்திக்கும் போது

Wednesday, February 20, 2013

ஒரே கவிதையை 
அந்த முனையிலிருந்து நீயும் 
இந்த முனையிலிருந்து நானும் 
எழுதி வருகிறோம் 
நாம் சந்திக்கும் போது 
கவிதை முடிந்து விடும்

அனுபவ சித்தனின் குறிப்புகள்

Tuesday, February 19, 2013


982-

எனக்குள்ளிருந்து 
என்னை 
விரட்டுபவனிடமிருந்து 
தப்பிப்பதெப்படி

983-

ஞானக்காட்டில்  
தொலைந்திட வேண்டும் 
மௌனக்கூட்டில் 
அடைந்திட வேண்டும்

984-

மெளனம் தியானிக்கும்.
நான் அமைதியாய் 
பார்த்தபடி

985-

உங்கள் மன்னிப்பின் மீது 
என் குற்றங்கள் 
முளைத்துக் கிடக்கின்றன

986-.

எழுதிய வரியும் 
எழுத நினைத்த வரியும் 
வேறு வேறா 
ஒன்றா

987-

சிறை 
அழகான சிறை 
எனும் போது 
விரிவு கொள்கிறது

988-

குகைக்குள் பயணிக்கும் 
இருள் 
பயமற்று

989-

காட்சி முடிகிறது
கடைசியில் வரும் 
மற்றும் பலரில் 
என் பெயரும் 
இருப்பது புரிகிறது

990-

யாரது
இரவை உலுக்குவது 
என் மீதும் 
கனவுகள் கொட்டுகிறது




தலையனை அடியில்

Sunday, February 17, 2013


அவள் தன் தலையனை அடியில்
 அவனுக்குத் தெரியாமல் 
ஒரு கனவைப் பதுக்கி வைத்தாள்

அவன் தன் தலையனை அடியில்
அவளுக்குத் தெரியாமல் 
ஒரு காதலை ஒளித்து வைத்தான்

அயர்ந்து தூங்கிக்கொண்டிருந்த 
அவர்களுக்குக் கேட்காமல் 
பேசிக் கொண்டிருந்தன 
கனவும் காதலும் 
ரகசியமாய்

இருந்தது

என் குரல்
பதிவு செய்யப்பட்ட 
ஒலி நாடாவில் 
இடைஇடையே 
அருகில் வசிக்கும் 
புறாக்களின் சத்தம் 
கேட்டபடி இருந்தது

திரும்பத் திரும்பக் கேட்க 
வரிகளுக்கிடையே
புறாக்கள் வந்து 
வசிப்பது போலவும் இருந்தது

மீன்-நான்

Friday, February 15, 2013

மீன் போல 
நீந்தும் என்னை 
மீன் என்று 
சொல்கிறது மீன் 
நான் என்று 
சொல்கிறேன் நான் 
 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்