Powered by Blogger.

*மகளின் கட்டளைகள்

Sunday, November 13, 2011

விடுமுறைக்கு
ஊருக்கு வந்த மகள்
அப்பாவை போனில் கூப்பிட்டு
உரக்கச் சொன்னாள்

அப்பா நான் வர்ற வரைக்கும்
மீன் தொட்டி மீன்கள
கவனமாப் பாத்துக்குங்க
அதுங்ககிட்ட
அடிக்கடி பேச்சுக்குடுங்க

பால்கனிச் செடிக்குத்
தண்ணி ஊத்துங்க

படிக்கட்டு பக்கம்
வர்ற அணிலுக்கு
தானியம் போடுங்க

மாடியில வந்து
உட்கார்ற காக்காவுக்கு
சோறு வைங்க
பாக்காம விட்றாதிங்க

நாய்க்குட்டிய
வாக்கிங் கூட்டிட்டுப் போங்க
கொஞ்சம் தூரமாப்பா
சின்னதா சுத்திட்டு வரவேணாம்

அப்புறம் ஜன்னலோரத்துல
வந்து உட்கார்ற புறா
அதுவா பறந்து போயிடும்
விரட்டி விட்றாதிங்க

என் டேபிள் மேல
ஒரு யானை
வரைஞ்சி வச்சிருக்கேன்
அத எடுத்து
பத்திரமா உள்ள வைங்க
யானைக்கு ஒரு பேரும்
யோசிச்சு வைங்க

எல்லாவற்றையும்
பொறுமையாகக்
கேட்டுக்கொண்ட அப்பா
மெல்ல
மகளின் வனத்திற்கு
காவலாளியாக
மாறத் தொடங்கினார்

*கல்கி இதழில் (20.11.2011) வெளியான கவிதை

10 comments:

துரைடேனியல் said...

Matravargalukkaana thedalil
Nam VAAZHKAI
tholainthu vidukirathu.

Arumai Sago.

Vote potachi.

Ramani said...

அருமை அருமை
அந்த வனம் கூட காவலாளியாகத்தான்
அப்பாவை ஏற்றுக் கொள்ளும்
தன்னில் ஒரு பகுதியாக குழந்தையை
ஏற்றுக் கொண்டதைப் போல
ஏற்றுக் கொள்ளது என் நினைக்கிறேன்
அருமையான படைப்பு
தொடர வாழ்த்துக்கள்

நம்பிக்கைபாண்டியன் said...

குழந்தைகளின் உலகத்தைசொல்லும் அழகான கவிதை!

ராஜா சந்திரசேகர் said...

துரைடேனியல்,ரமணி,நம்பிக்கைபாண்டியன்-உங்கள் வருகைக்கும் வாசிப்புக்கும் நன்றி.

Rishvan said...

nalla kuzhanthai kavithai....

rishvan

please visit my website www.rishvan.com and leave your comments.

இரசிகை said...

azhaku..

sakthi said...

wonderful

சம்பத் குமார் said...

வணக்கம் நண்பரே..

தளத்தில் முதல் வருகை..

நண்பர் பலேபிரபு வலைச்சரம் மூலம்

//எல்லாவற்றையும்
பொறுமையாகக்
கேட்டுக்கொண்ட அப்பா
மெல்ல
மகளின் வனத்திற்கு
காவலாளியாக
மாறத் தொடங்கினா//

அழகு கவிதை..குழந்தையின் எண்ண அலைகளே கவிதை வரிகளாய்

அருமை நண்பரே..

நட்புடன்
சம்பத்குமார்

ராஜா சந்திரசேகர் said...

நண்பர்களுக்கு நன்றி.

Rishvan said...

arumaiyaana kavithai.... www.rishvan.com

 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்