என் மரணத்தை கொண்டாடுங்கள்
உங்கள் சிரிப்பில்
இந்த வரிகளை
யோசித்தபோது
ஒரு மரணம் நிகழ்ந்தது
எழுதியபோது
ஒரு மரணம் எரியூட்டப்பட்டது
ஒன்று புதைக்கப்பட்டது
வெளியானபோது
சில மரணங்கள் நெருங்கிக்கொண்டிருந்தன
படித்து புன்னகைத்தவர்
புறப்பட்டுப்போனார்
ஒரு மரணசேதி கேட்டு
பழைய காகித கடையில்
அதைப் பார்த்த சிறுவன்
தாத்தாவை நினைத்து கொண்டான்
என் மரணத்தை கொண்டாடுங்கள்
உங்கள் சிரிப்பில்
சத்தம் போட்டுச் சென்றவனை
எல்லோரும் பார்த்தார்கள்
எப்போதும் பார்க்கும்
ஒரு பைத்தியத்தைப் போல
No comments:
Post a Comment