Powered by Blogger.

கடைசியில்

Tuesday, December 25, 2018

கடைசியில்
கண்ணாடிப்பெட்டியை
எடுத்துப்போனார்கள்
அதில் கொஞ்சம்
மரணம் ஒட்டி இருந்தது



குழந்தை யானை


கிளினர் பையனுக்குப்
பத்துபனிரெண்டு வயதிருக்கும் 
விசில் எழுப்பியபடி
குழந்தையைப் போல
லாரியைக் கழுவுகிறான்
விரல்களைச் சீப்பாக்கி
தலையைக் கோதிக்கொள்கிறான்
லாரி அவன் நீரில்
மூழ்கி எழுகிறது
புதிதாய் லாரியை மீட்டெடுத்து
அதற்கு ஒரு முத்தம் வைக்கிறான்
அவன் உதட்டில்
உயிர் அசைகிறது
எட்டும் மட்டும் கை நீட்டி அணைக்கிறான்
குழந்தை யானை என்று
அதற்கு வைத்த பெயரை
ஒரு முறை சொல்லிக்கொள்கிறான்
தொலைவில் போய் நின்று
குளித்துமுடித்த லாரியைப் பார்க்கிறான்
நாளை அந்த லாரியை
ஓட்டப்போகும் டிரைவர் போல
உடல் நிமிர்த்தி
மிதந்து போவது போல்
அதை நோக்கி நடந்து போகிறான்

குங்குமம் இதழில்(28.12.2018) வெளியானது

கண்ணாடிப் பெட்டி

Thursday, December 20, 2018

கண்ணாடிப் பெட்டிக்குள்
இருக்கும் அப்பாவை
வரைகிறது குழந்தை
அசைவற்று இருக்கும் அப்பா
மீன் போல்
அசைந்து அசைந்து நீந்துவார்
என்ற நம்பிக்கையில்
பிறகு அதற்குள்
நீர் ஊற்றுகிறது
- ராஜா சந்திரசேகர்

இன்னும்...

Tuesday, December 04, 2018


இன்னும் சிலரில்
நானுண்டு
மற்றும் பலரில்
என் பெயருண்டு

 
அமேசானில் மின்னூல்கள்



Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்