Powered by Blogger.

கலப்படம்

Wednesday, June 28, 2017

நாளுக்கொரு கலப்படம் நடக்குது
நாடுதான் எங்கேயோ போகுது

அரிசியில கலப்படம்
அரசியல்ல கலப்படம்
உணர்வுல கலப்படம்
உண்மையில கலப்படம்
மிச்சமீதி இல்லாம
எல்லாத்துலயும் கலப்படம்
பாலுல கலப்படம்
மருந்துல கலப்படம்
தண்ணியில கலப்படம்
சொல்லுல கலப்படம்
சொல்றதுலகலப்படம்
சாமியாரு கலப்படம்
சகலமும் கலப்படம்
மாறி மாறி கலப்படம் நடக்குது
மனசாட்சி வேற வழி போகுது
பணத்துல கலப்படம்
குணத்துல கலப்படம்
கொள்கையில கலப்படம்
கூட்டத்துல கலப்படம்
இயற்கைய ஆக்கிப்புட்டோம்
இன்னும் இன்னும் கலப்படம்
நாளுக்கொரு கலப்படம் நடக்குது
நாடுதான் எங்கேயோ போகுது


என்னைப் பார்க்கிறேன்

Tuesday, May 30, 2017

எனக்குள்ளிருந்து
வெளி வந்து
என்னைப் பார்க்கிறேன்

ஒரு குழந்தையைப் போல‌
பூவைப் போல‌
பெய்யும் மழையைப் போல‌

எனக்குள் திரும்பும் போது
என் நாவில் 
குழந்தையின் பாடல் இருந்தது
கையில்
பூ இருந்தது
நான் நனைந்திருந்தேன்


ரயில் போய் விட்டது

Thursday, May 25, 2017

நான் தற்கொலை செய்து கொள்ள
வந்த ரயில்
போய் விட்டது என்றான்

திடுக்கிட்டேன்

நீங்களும் தற்கொலை செய்து கொள்ள
வந்த ரயிலா கேட்டான்

சிரித்தபடி சொன்னேன்

நாம் பயணம்
செய்ய வேண்டியநான் தற்கொலை செய்து கொள்ள
வந்த ரயில்
போய் விட்டது என்றான்

திடுக்கிட்டேன்

நீங்களும் தற்கொலை செய்து கொள்ள
வந்த ரயிலா கேட்டான்

சிரித்தபடி சொன்னேன்

நாம் பயணம்
செய்ய வேண்டிய ரயில்
போய் விட்டது

போய் விட்டது

வழிப்போக்கன்

Saturday, May 13, 2017

நான் வழிப்போக்கன்
வழிகள்
என் முகவரிகள்
*
மழையில்
நனைவது
எப்போதும் இருக்கும்
மழை நீர்
அருந்துவது
எனக்குப் பிடிக்கும்
*
இளைப்பாறும் போதெல்லாம்
நான் நிழலுடன்
பேசுகிறேன்
மனம் மரத்துடன்
பேசுகிறது
*
என் பயணம்
அடைதலில் இல்லை
தொடர்தலில் இருக்கிறது
*
வெகுதூரம்
வந்த பின்னும்
வெகு தூரம்
இருக்கு இன்னும்
இந்த வரி
அதிகம்
உறங்க விடுவதில்லை
*
வேகமான நடையில்
இமை மூடித் திறக்க
முடிகிறது தூக்கம்
*
கால்களுக்கிடையில்
முடிகின்றன‌
நெடும் பயணத்தின்
சிறு பயணங்கள்
*
காதுகளை நிரப்புகிறது
காற்றின் பாடல்
அதில் நான்
கலந்து போன
ஒரு சொல்
*
கை வீசி நடக்கிறேன்
பிரபஞ்சத்தை
பின்னுக்குத் தள்ளி
பிரபஞ்சத்தோடு
கை கோர்த்து
பிரபஞ்சத்தை
எதிர்கொண்டு
*
'தி இந்து'வில்(மே 10,2017) தேநீர் கவிதை பகுதியில் வெளியானது.

பேருந்து

Sunday, April 16, 2017

மறந்து போய்
இறங்கி விட்டார்

கிளம்புகிறது பேருந்து

அங்கிள் நீங்க அவருக்கு
மீதி சில்லரைக் கொடுக்கல
ஞாபகப்படுத்துகிறது குழந்தை

விசிலடிக்கிறார்

நிற்கிறது பேருந்து

இறங்கியவர் ஓடி வருகிறார்

நடத்துனர்
சில்லரைக் கொடுத்து
நன்றியை வாங்கிக்கொள்கிறார்

குழந்தை புன்னகை
தாய் புன்னகை
நடத்துனர் புன்னகை
ஒரு புன்னகைச் சித்திரமாய் விரிய
போகிறது பேருந்து      







மன்னிக்கவும்

Thursday, April 06, 2017

நீங்கள் குறிபார்த்து
சுடக் கற்று தந்தபடி
துப்பாக்கி குறிபார்க்கிறது
துல்லியம் பிசகாமல்

இப்போது
குறி நீங்களாகப்
போய் விட்டீர்கள்

மன்னிக்கவும்

கொலை செய்த ரயில்

Thursday, March 30, 2017

தற்கொலை செய்து கொண்டவனை
சுற்றி வந்து
தண்டவாளத்தை
பல முறை உதைத்து
கத்திக்கொண்டிருந்தான்
பைத்தியக்காரன்
இவனை
கொலை செய்த ரயில்
தப்பித்துப் போய் விட்டது

அருகில் போய்

Saturday, March 18, 2017

அழும் பெண்ணின்
அருகில் போய்
கண்ணீரைத் துடைத்துக்கொள்
என்று சொல்வதற்கு
கருணை வேண்டும்
இதற்கு
யார் காரணம்
என்று கேட்க‌
துணிவு வேண்டும்
அருகில் போய்
துணிந்து கேட்டேன்
சொன்னாள்
உன்னைப் போல்
ஒருவன்தான் என்று

மனதில் அசைகிறது

Thursday, March 16, 2017

மனதில் அசைகிறது
மறந்து போகாத‌
வாக்கியம் ஒன்று

அதிலிருந்து
குதித்தோடும் சொற்கள்
திரும்ப வந்து
வேறு வேறு
இடங்களில் அமர்ந்து
புதுப்புது வாக்கியங்களை
உருவாக்குகின்றன‌

இப்போது
மனதில் அசைகிறது
மறந்து போகாத‌
பாடல் ஒன்று

நாமும் காதலும்

Wednesday, February 15, 2017

          
1
நான் மூங்கில்
நீ தொடு
புல்லாங்குழலாகிறேன்

2
மனதில்
தோட்டம் இருக்கிறது
மெளனம் பறிக்கலாம் வா

3
நம்மை அழைத்துச் செல்லும்
பாதைகளா இவைகள்
கேட்கிறாய் நீ 
நம் கேள்விகளுக்கான 
பதில்களும்தான்
சொல்கிறேன் நான் 

4
ஒரு முறை
உன்னைப் பார்த்துவிட்டுப் 
போக வேண்டும் என்று
காத்திருக்கிறேன்
நீயோ
நான் போனபின்தான்
வரவேண்டும் என்று
காத்திருக்கிறாய்

5
குறைவான சொற்களை
வைத்துக்கொண்டு
நெடுங்கவிதை
எழுத முடியாது
என்கிறேன் நான்
நெடும் பயணம் 
போக முடியும்
என்கிறாய் நீ

6
சந்திப்பும்
வலிதான்
பிரிவும் 
வலிதான்
வலிகளைப் 
பழகலாம் வா

7
மின்னல் வெட்டிய நேரத்தில்
அணைத்துக்கொண்டோம்
நமக்குள் இருந்த மின்னல்களைக்
கண்டுகொண்டோம்

8

உன் உள்ளிருக்கும்
கண்ணீரில்
கரைய விரும்புகிறது
என் பிரார்த்தனை

9
ரூமியின் 
கவிதைப் போல
புன்னகைக்கிறாய்
எளிமையின்
கனவுப் போல்
பார்க்கிறேன்

- குங்குமம்(17.2.2017) இதழில் வெளியானது -

மனசாட்சிய பேசவுடுங்கடா

Saturday, February 11, 2017

தேநீர் குடித்துவிட்டு
கை நடுங்க‌
எட்டு ரூபாய் நாணயங்களாக‌
எண்ணிக்கொடுத்துவிட்டு
சத்தம் போட்டுச் சொல்லியபடியே
போனார் பெரியவர்

நீங்களே கத்திக்கிட்டு இருக்காதீங்க‌
உங்க மனசாட்சிய பேசவுடுங்கடா



 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்