Powered by Blogger.

அனுபவ சித்தனின் குறிப்புகள்

Thursday, June 28, 2012

915-

பல வருடங்களாக
இந்த கல் மேல்
உட்கார்ந்திருக்கிறேன்
நான் சோம்பேறியா?

இல்லை
இன்னொரு கல்

916-

அப்படியே 
நிற்க வைத்திருக்கிறேன் 
கண்ணீர்த் துளிகளை 

கல்லாக்கி 
எறியலாம் 

விழவும் 
வைக்கலாம்

917-

என்னிடம் ஒன்றுமில்லை 
என்பதில் கூட 
ஏதோ இருக்கிறது
ஒன்றுமே இல்லை 
என்பதில்தான் 
எதுவுமே 
இல்லாமல் இருக்கிறது

918-

கடல்மனம் கொண்ட
மீன் நீந்தும்
மீன் தொட்டிக்கு
வெளியிலும்

919-

உன் பிரமிப்பைக் கண்டு
வியக்கச் சொல்கிறாய்
புள்ளி அளவு கூட
உண்மை இல்லாத
உன் வரி 
உதிர்ந்து போனது
தெரியாமல்

920-

எப்போதும் எனக்குத் 
தோல்வி தேவைப்படுகிறது
எப்போதாவது 
வெற்றியும் தேவைப்படுகிறது

921-

தராசில் வைத்துப் 
பார்க்கப்படும் மனிதம் 
எடைக்கல்லாகி விடுகிறது

922-

உறைந்து போன
கேள்விகளை
உடைக்கிறேன்
பதில்கள் சிதற


2 comments:

ஸ்ரீவிஜி விஜயலக்ஷ்மி said...

ஆஹா

Sasi Kala said...

தராசில் வைத்துப்
பார்க்கப்படும் மனிதம்
எடைக்கல்லாகி விடுகிறது
அற்புதம் அருமை.

 
அமேசானில் மின்னூல்கள்



Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்