நீங்கள் பார்த்துக்கொண்டிருக்கும் தாஜ்மஹாலை
எனக்குச் சொல்ல முடியுமா
உங்கள் வார்த்தைகளின் வழியே
அதைப் பார்த்துக் கொள்கிறேன் என்றார்
பக்கத்திலிருந்த பார்வையற்ற தோழர்
என் அறிவுக்கெட்டியபடி
அந்த அதிசயத்தைச்
சொல்ல ஆரம்பித்தேன்
இசை கேட்பது போல
அவர் தலையசைத்து
உள்வாங்கியதை
பிறகு சொல்லி
சரிபார்த்துக் கொண்டார்
அவர் வார்த்தைகளின் பார்வையில்
என்னால் தரிசிக்க முடிந்தது
இன்னொரு தாஜ்மஹாலை
திரு.வண்ணதாசன் மின்னஞ்சல்...
ReplyDeletevannadasan sivasankaran to me
நீங்கள் பார்த்து அவரிடம் சொல்லி
அவர் பார்த்து உங்களிடம் சொல்ல
நீங்கள் பார்த்த
அந்த இன்னொரு தாஜ்மஹல்
நன்றாக இருக்கிறது
நான் இன்னும் பார்க்காததை விடவும்,
*
சி.க
திரு.வண்ணதாசன் அவர்களுக்கு என் பதில் மின்னஞ்சல்...
ReplyDeleteசார் வணக்கம்.
உங்கள் வரிகள் என்னை நெகிழவைத்தன.
உங்களின் கூர்ந்த கவனிப்பும் நிறைந்த அக்கறையும்
உங்கள் கவிதையைப் போலவே உன்னதமானவை.
நன்றியுடன்
ராஜா சந்திரசேகர்
//வார்த்தைகளின் பார்வையில்// அருமையான வார்த்தைப் பிரயோகம்.
ReplyDelete