நாங்க
பசிக்குப் பசியத்தான்
தொட்டுக்குவோம்
இதுபோல்
வெறும் தட்டில்
வேறு வரிகளும்
இருந்தன
Thursday, July 31, 2014
Wednesday, July 30, 2014
Tuesday, July 29, 2014
Saturday, July 26, 2014
அந்த பெண்
மழையை ரசித்தபடி
வயலின் வாசிக்கும் பெண்ணை
வரைந்து முடித்தேன்
இப்போது நான் ரசிக்க
மழை இசை
மற்றும் அந்த பெண்
Friday, July 25, 2014
மழையின் பாடல்
மழைக்கு ஒதுங்கி இருந்த
சிறுவன் கையில்
புல்லாங்குழல் இருந்தது
அதன் மேல்
துளிகள் மின்னிக்கொண்டிருந்தன
அதிசயித்தபடி
பார்த்துக்கொண்டிருந்தான்
எனக்காக வாசிப்பாயா
எனக் கேட்டேன்
முகம் திருப்பாமல் சொன்னான்
மழையின் பாடலைக்
கேட்டுக்கொண்டிருக்கிறேன்
மன்னிக்கவும்
Tuesday, July 22, 2014
உற்றுப் பார்க்கிறது இரவு
நேரம் கடக்க
பெருமூச்சு விட்டு
அங்கும் இங்கும்
பார்த்து
பசியை எச்சிலில்
துப்பியபடி
யாராவது கிடைப்பார்களா என
இரவிடம் கேட்கிறாள்
கால் ஊனமானப் பெண்
சொல்ல வார்த்தைகள்
எதுவும் இன்றி
அவளையே
உற்றுப் பார்க்கிறது
இரவு
Saturday, July 12, 2014
நமக்கு நனையத் தெரியவில்லை
1-
வெறும் கைகளுடன்
வெறும் கைகளுடன்
திரும்புகிறார் அப்பா
அந்தக் கைகளுக்கு
முத்தம் தருகிறாள் குழந்தை
2-
மழைக்குள் இருக்கும்
குழந்தைகளுக்கு
நனைவது தெரியவில்லை
மழைக்கு வெளியே
இருக்கும் நமக்கு
நனையத் தெரியவில்லை