Powered by Blogger.

நீங்கள் பிறந்துகொண்டிருக்கிறீர்கள்

Sunday, March 18, 2018

இந்தக் கவிதையை
எழுதும் போது
நான் இறந்துகொண்டிருக்கிறேன்


இந்தக் கவிதையை
படிக்கும் போது
நீங்கள் பிறந்துகொண்டிருக்கிறீர்கள்

அப்பா சொல்லுவார்

அப்பா சொல்லுவார்
உன் எழுத்தில்
ஈரம் இருக்கிறது

நான் சொல்லுவேன்
அது நீங்கள் தந்தது

துளிக்கண்ணீரைத்
துடைத்துக்கொண்டு
மெளனத்துள் மூழ்கிப் போவோம்

கைதி எண் 616

Tuesday, March 13, 2018

சிறைக்கம்பிகளுக்கு
அருகில் போய்
கம்பியைத் தட்டிப்பார்த்து
ஒரு துண்டு வெட்டியெடுத்து
துளைகளிட்டு
புல்லாங்குழலாக்கி
வாசிக்கத் தொடங்கினான்

      

முடியாத கதை

Monday, March 05, 2018

அம்மா குழந்தைக்கு
கதை சொன்னபோது
முதல் குண்டு வெடித்தது

கதை பாதியிலிருந்தபோது
இரண்டாவது குண்டு வெடித்தது

அவர்களோடு
முடியாத கதையும் இறந்து கிடந்தது


ரயில்

Sunday, March 04, 2018

எல்லோரும்
அவரவர் உலகத்தில்

புல்லாங்குழல்
வாசிக்கும் சிறுவன்

கேட்டபடி
போகும் ரயில் 
 
அமேசானில் மின்னூல்கள்



Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்