Powered by Blogger.

பழுதான கடிகாரம்

Sunday, November 22, 2015

அரசு பழுதாகி விட்டதா
அரசு இயந்திரம்
பழுதாகி விட்டதா
கேட்கிறார் ஒருவர்

அது அவர்களுக்குத்
தெரியுமா தெரியாதா
கேட்கிறார் இன்னொருவர்

கேட்டபடியே
நடக்கிறேன் நான்
பழுதான கடிகாரத்தில்
மணி பார்க்க முடியாமல்

உரையாடல்

Friday, November 06, 2015

பேசுவதில் தொடங்கி
மெளனத்தில் முடிகிறது
நல்ல உரையாடல்
என்றார் ஒருவர்

மெளனத்தில் தொடங்கி
பேச்சில் முடிகிறது
சிறந்த உரையாடல்
என்றார் இன்னொருவர்

மெளனத்தில் தொடங்கி
மெளனத்தில் முடிகிறது
அழகான உரையாடல்

என்றார் மற்றொருவர்

உங்களை யார் சொல்லச் சொன்னது

Tuesday, November 03, 2015

லாவகத்துடன்
விசிலடித்தபடி
புன்னகைச் சித்திரமாய்
சைக்கிள் ஓட்டிச் செல்லும் அவரை
நான் ரசித்துக் கொண்டிருக்கும் போது
அந்த முதியவருக்கு
வயது எண்பது என்று
உங்களை யார்
என்னிடம் வந்து

சொல்லச் சொன்னது
 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்