Powered by Blogger.

அனுபவ சித்தனின் குறிப்புகள்

Tuesday, December 10, 2013

1061-

சற்றே ஓய்வெடு
சொற்கள்
தியானம் செய்கின்றன

1062-

என் பெயரில் 
இப்போது நானில்லை 
புனைப்பெயரில் 
ஒளிந்திருக்கிறேன்

1063-

குதிரைகள் நிற்கவில்லை 
கனவில் ஓடுகின்றன 
வரிகளுடன் 
நானும் ஓடுகிறேன்

1064-

அரச வேடம் 
அழகாக இருக்கிறது 
அதற்காக 
வாடகை கிரீடத்தை 
வைத்துக் கொண்டே 
இருக்க முடியாது

1065-

ஆழ்மனதில் 
வீசிய கல் 
மிதந்து மிதந்து 
எதையோ தேடும்

1066-

ஒட்டக மனநிலை 
எனக்குண்டு
பாலைவனம் கடப்பது 
கடினமன்று

1067-

நான் மட்டுமே 
வந்திருக்கிறேன் 
எதற்கு என்னை 
சுற்றிப் பார்த்துக் கொண்டே 
இருக்கிறீர்கள் 

1068-

இருளும் மழையுமாக 
இருக்கிறதே 
எப்படிப் போவீர்கள் 

பிரபஞ்சத்தின் 
கருணை கொண்டு 

1069-

கிளை உலுக்க 
உதிர்கின்றன சொற்கள் 
ஒவ்வொன்றும் 
வரியின் ருசியோடு 
இனிக்கிறது









1 comment:

திண்டுக்கல் தனபாலன் said...

அனைத்தும் அருமை ஐயா...

தமிழ்மணம் +1 இணைத்து விட்டேன்... நன்றி...

வாழ்த்துக்கள்...

 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்