Powered by Blogger.

அனுபவ சித்தனின் குறிப்புகள்

Tuesday, October 08, 2013

1036-

பஞ்சு போன்ற 
சொற்களை வைத்து 
மிதக்கப் பார்க்கிறேன் 
ஆனாலும் 
அழுத்துகிறது கனம்

1037-

மனதில் புகுந்த தூசி 
ஊதித் தள்ள
ஒளியும் வேறிடம்

1038-

மெளனம் எளிதில் 
வரைந்து விடுகிறது
சொற்களுக்குத்தான் 
வண்ணங்கள் போதவில்லை

1039-

எப்போது வேண்டுமானாலும் 
எதை வேண்டுமானாலும் 
மனம் மாற்றி மாற்றி 
வைத்துப் பார்க்கும் 
வெற்றுச் சதுரம் 
எனக்குப் பிடிக்கும்

1040-

குழந்தை வரைந்த 
கோடுகளில் 
கடவுள் நடந்து போகிறார்

1041-

பறவை இல்லாத
வானம்
துயரம் படிந்த 
கானம்

1042-

போதையிடம் கேட்டேன் 
நான் எங்கிருக்கிறேன் 

விழுந்தால் 
உடையும் உயரத்தில் 
போதை சொன்னது

1043-

துளி துளியாய் 
மனம் மேல் 
விழும் அமைதி 
சத்தம் எழுப்புகிறது

1044-

வலிகள் எனக்காக 
பிரார்த்தனை 
செய்கின்றன

1045-

விரல் நுனி 
பனித்துளி 
முழு உடல் 
வனமாக்கும்

1046-

சொல்ல என்னிடம் 
சொற்கள் இல்லை
கனவுகள் உண்டு













1 comment:

திண்டுக்கல் தனபாலன் said...

அனைத்தும் அருமை ஐயா... ரசித்தேன்... வாழ்த்துக்கள்...

 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்