Powered by Blogger.

அனுபவ சித்தனின் குறிப்புகள்

Tuesday, September 24, 2013

1028-

வேறு குரலில் 
பேசுகிறீர்கள் 
உங்கள் உதட்டசைவில் 
பொய் வழிகிறது

1029-

இந்த வனத்தில் 
நான் தொலைந்து 
சில காலம் ஆகிறது 
முளைத்து 
பல காலம் ஆகிறது

1030-

இருள் பெய்கிறது
நனையாமல் 
நடக்கிறேன்

1031-

என்னைத் தொலைத்து 
பிரபஞ்சத்தைக் 
கண்டெடுத்தேன்

1032-

காத்திருந்த போது 
உறங்கிப் போனேன்
எழுந்த போது 
மறந்து போனேன்

1033-

நான் ஆடு
நீங்கள் இரக்கம் வாங்க 
வந்திருக்கிறீர்கள்

1034-

இது உனக்கு 
நான் தரும் வரிகள் 
எடுத்து சுவரில் 
மாட்டி விடாதே 
கால்களில் 
போட்டுக் கொண்டு நட

1035-

அவ்வளவு எளிதில் 
நீங்கள் என்னைக்
கடந்து போய் விட 
முடியாது.
நான் சாலையின் வேர்.
 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்