Friday, November 19, 2010

பெயரற்ற பள்ளத்தாக்கு

இந்த பள்ளத்தாக்கில்
பனிமூடி இருக்கிறது

கை நீந்திப் பார்க்க
பூக்கள் சிக்குகின்றன

ஒரு பூவிலிருந்து
பட்டாம்பூச்சி பறந்தோடுகிறது
பிஞ்சு ஒளியை அசைத்தபடி

உள்ளிழுக்கும் மூச்சுக்கு
கிடைக்கின்றன
வனத்தின் வாசனைகள்

பழக்கமாகிவிட்டது
பள்ளத்தாக்கு

பள்ளத்தாக்கின் பெயரை
உரக்கச்சொல்லி
மலைகளுக்கு
அறிமுகப்படுத்த வேண்டும்

இதற்கு ஒரு
பெயர் வேண்டும்

நல்ல பெயராக

நழுவி மறைகின்றன
பெயர்கள்

கிடைக்காமலாப் போகும்
ஒரு நாள்

6 comments:

  1. நினைவுக்கு வராமல் போன பெயர்ப்பட்டியல்...

    ReplyDelete
  2. பெயரில்லாத ஆனால் நினைவுகளில் பல உணர்வுகளை மீட்டெடுக்கும் ஓரிடம். கற்பனை நன்றாக இருக்கிறது.

    ReplyDelete
  3. இந்தப் பள்ளத்தாக்கு
    அவளாகவே இருக்கக் கூடும்
    அவள்
    எல்லா இரகசியங்களையும்
    மௌனமாய் கொண்ட
    கடல் போன்றவள்
    அபிலாசைகள் தெறிக்கும்
    விழிகள் உடையவள் என்பதால்
    அலைகள் போன்றவளும் ஆகிறாள்

    அலைகள் மோதி மோதி
    நிறமாறிய பாறைகள்
    கொண்ட பெயரற்ற பள்ளத்தாக்கிற்கு
    அவள் பெயரையே சூட்டலாம்
    பள்ளத்தாக்கு எதிரொலித்து
    பெயரற்றவள் பேரைச்
    சொல்லும் போது.

    ReplyDelete
  4. நன்றி கலாநேசன்,செந்தில்,சாய்ராம்,சீடி,
    விதூஷ்.

    ReplyDelete