Powered by Blogger.

...என்றொரு மருத்துவர்

Thursday, April 17, 2008

என் நோய்கள் குறித்து
அக்கறையோடு விசாரித்தார்
மருத்துவர்

தெரியாத பலவும்
தெரிவித்தார்

மருந்துகளின் வரிசை
நீண்டது

மதுக்கடைப்பக்கம்
போகக்கூடாது
கட்டளையிட்டார்

வயது கூட
அது நோய்களுக்குக்
கதவுகளைத் திறந்து விடுகிறது
மறக்காதே என்றார்

கடைசியாய்க் கேட்டார்

என்ன தொழில்
செய்கிறீர்கள்

எழுத்தாளன்
கதை கவிதை
எனது தொழில்

புன்னகைத்தார்

உங்கள் எழுத்து
வாழ்க்கையை நகர்த்துகிறதா

அறை மின்விசிறி
நின்று போக
வெளிக் காற்றில்
தாள்கள் படபடக்க
முகம் துடைத்தபடிப்
பார்த்தேன்

வயது கூட
அது நோய்களுக்குக்
கதவுகளைத் திறந்து விடுகிறது
ஆரம்பித்திருந்த
என் கதையின் வரி
அங்கேயே நின்றிருந்தது

3 comments:

தருமி said...

//உங்கள் எழுத்து
வாழ்க்கையை நகர்த்துகிறதா?//

மருத்துவர் சரியாகத்தான் கேட்டுள்ளார்.
எழுத்தும் ஏழ்மையும் எப்போதும் சேர்ந்தே இருக்குமோ ...?

raajaachandrasekar said...

தருமி
நான் சொல்ல வந்தது அது அல்ல.
ஆரம்பத்தில் நேரடியாக சித்தரிக்கப்படும் மருத்துவர் அவன் கவிதையில் வருபவர் என்கிற அம்சம்தான்.

sumayha said...

maruthuvar kavithanmaiyoduthaan kettu irukkiraar

 

Followers

Pages

Blogger news

Blogroll

Most Reading

Ads 200x200

Ads 200x200
வலைப்பூவின் வாசம் விரும்பியவர் : சேரல்