Friday, September 01, 2006

பூ ஜாடியும் அவனும்

பூ ஜாடியை
மாற்றி வைப்பது
அவன் வேலை
தினம் தினம்
பூக்களை நிரப்பி
அதை செய்கிறான்
புதிய நாளை
டேபிளில் வைத்து
முந்தைய நாளை
எடுத்துப்போவது போலிருக்கும்
அவன் செய்வது
காற்றில் ஆடி
நன்றி சொல்லும் பூக்கள்
பூக்களுக்கும் அவனுக்குமான இசைவில்
வாசம் இருந்தது
பூ ஜாடியை
மாற்றி வைப்பது
அவன் வேலை
அலுப்பிலாமல்
செய்கிறான் இதை
பூக்கள் பஞ்சம்
வந்ததில்லை அவனுக்கு
அவன் புன்னகையில்
சில பூக்கள் ஒட்டி இருக்கும்
அவனே உதிர்ந்து
பின் மலர்வது போலிருக்கும்
ஒவ்வொரு முறை
இதை செய்யும் போதும்

4 comments:

  1. புதிய நாளை
    டேபிளில் வைத்து
    முந்தைய நாளை
    எடுத்துப்போவது போலிருக்கும்

    :)

    அவனே உதிர்ந்து
    பின் மலர்வது போலிருக்கும்
    ஒவ்வொரு முறை
    இதை செய்யும் போதும்

    :)


    nice lines

    ReplyDelete
  2. சாயா நன்றியும் அன்பும்.

    ReplyDelete